قصص اطفال قبل النوم مكتوبة بالعامية

قصص اطفال قبل النوم مكتوبة بالعامية، قراءة قصة قبل النوم هي إحدى الطقوس التي يوصي بها الخبراء لجعل الأطفال يرتاحون وينخرطون في روتين ما قبل النوم، بالإضافة إلى ذلك ، تعتبر قصة ما قبل النوم فرصة رائعة لغرس القراءة في نفوس الأطفال، وهكذا سيتعلم الصغار أن القراءة ليست نشاطا مملا، ولكن من الجيد جدا الخوض في مغامرات أصلية ومتنوعة.

قصص اطفال قبل النوم مكتوبة بالعامية

يمكن أن تكون قصة ما قبل النوم فرصة جيدة لهم، بمساعدة الصور، لفهم ما يقال بلغة أخرى والبدء في التعرف عليه، وفيما يلي قصص اطفال قبل النوم مكتوبة بالعامية:

قصة العنكبوت عنكب

في يوم من الأيام وقف العنكبوت عنكب على فرع شجرة يتفرج على أعشاش الطيور المليانه فرح وسعادة، لقي طيور نايمة على بيضها مستنيه البيض يفقس بكل فرحه وشغف، ولقي طائر تاني بيجيب الأكل لزوجته وأولاده الصغار ويحطه لهم في العش بتاعهم وهو مبسوط، شوية وبص تحت الشجرة لقي أرنبة تحفر حفرة صغيرة عشان تحط فيها أولادها الصغيرين.

لما عنكب شاف كل اللي حواليه مستقرين في بيوتهم وعششهم ، قرر أنه يبني هو كمان بيت يعيش فيه زى الطيور، نزل العنكبوت عنكب من على الشجرة وراح يدور على قش، وفعلا لقي قشه بس ماقدرش يشيلها خالص، ففكر أنه يحفر حفرة يقعد فيها زى الأرنبة بس كمان معرفش لأنه مالوش حوافر ولا أسنان عشان يحفر بها، زعل عنكب أوي وفضل زعلان فترة كبيرة.

قصص اطفال قبل النوم باللغة العامية قصيرة

قصص اطفال قبل النوم مكتوبة بالعامية قصيرة هنا:

قصة عم صالح والقناعة

في يوم من الأيام كان فيه رجل اسمه عم صالح فقير وبيشتغل عامل في مصنع وكان عنده أولاد وزوجة، لكنهم كانوا يعيشون في فقر وبيتهم صغير ومكسر، ومافيش عندهم أكل إلا القليل، وكان عم صالح مش راضي بعيشته ودايما يشتكي من الفقر وقلة الأكل، ويقول: ليه أنا فقير وبيتي مكسر ومافيش غير أكل قليل في البيت؟، وكان عم صالح يحقد على الناس اللي عندها بيوت كبيرة وسيارات ومعهم مال، في يوم من الأيام كان عم صالح راجع من المصنع قابل في الطريق رجل يلبس ملابس أنيقة ويركب سيارة حديثة، ولكنه كان بيعيط عياط شديد ويبدو عليه المرض، قرب منه عم صالح وسأله: ليه بتعيط إيه اللي مزعلك؟ الرجل رفع رأسه ونظر لعم صالح وعنيه بها دموع وقال له: أنا بعيط على حالي، استغرب جدا عم صالح وفكر في نفسه إيه اللي ممكن يزعل رجل عنده كل النعم دي اللي مش عندي منها ولا شيء، الرجل رد على عم صالح وقال له: أنا بعيط لأن عندي فلوس كتير لكن مش قادر أتمتع بيها، لأني مريض وكبرت في السن ومافيش عندي أولاد يشيلوا اسمي من بعدي، تأثر عم صالح بحال الرجل وفكر في نفسه، وقال: الحمد لله، أنا ما عنديش فلوس ولا عربية ولا بيت كبير، بس عندي صحة وعندي أولاد يشيلوا اسمي من بعدي، ومن يومها وعم صالح أصبح راضي بحاله يحمد ربه ليل نهار على النعم اللي أنعم بيها عليه.

قصص اطفال قبل النوم مكتوبة بالعامية المصرية

قصص اطفال قبل النوم مكتوبة بالعامية المصرية هنا:

قصة الفئران الثلاثة

كان ياما كان هناك ٣ فئران أصحاب عايشين في مزرعة جميلة جدا، وكل يوم بيخرجوا من بيوتهم يقضوا اليوم كله لعب وجري وتنطيط ، لحد ما اليوم يخلص يرجعوا لبيوتهم من تاني وكل يوم على الحال ده، وفي يوم من الأيام وهما بيلعبوا مع بعض حسوا بالجوع، فراحوا يدوروا على أكل حواليهم في كل مكان لحد ما لاقو جرة صغيرة فيها شوية عسل، بس للأسف الجرة عميقة ومحتاجة خطه عشان يوصلوا للي جواها، وفعلا وصلوا للخطة اللي هتوصلهم للعسل اللي جوه الجرة، وهي إن كل واحد يمسك في ديل أخوه عشان يعملوا حبل طويل من أجسامهم ويوصلوا لقاع الجرة، ولما يأكل الفار الأول ويشبع يرجع ورا ويتقدم مكانه الفأر اللي وراه لحد ما يأكلوا كلهم ويشبعوا، واتفقوا أن العسل يتقسم عليهم هما التلاته بالتساوي ومحدش منهم ياخد اكتر من نصيبه عشان كلهم ياكلوا ومحدش يرجع جعان، وفعلا وصل الفأر الأول لقاع الجرة و بدأ يأكل من العسل اللذيذ اللي جوه الجرة، وفجأة طمعه خلاه يقول لنفسه: العسل اللي هنا أصلا شوية صغيرين مش هيكفينا إحنا التلاته بأي شكل من الأشكال، و لو كلته كله هيبقى أحسن على الأقل أشبع أنا، وفي نفس اللحظة دي كان الفأر التاني بيفكر أنه يغدر هو كمان، وقال لنفسه: أنا لازم أسبقهم وأكل العسل كله قبل ما حد منهم يخلصه وما الحقش أكل حاجه، فكر زيهم الفأر الأخير وقال: طب أنا كده أخر واحد وعلى ما الاثنين ياكلوا مش هلاقي حاجة أكلها وهموت من الجوع.

هكذا فكر كل فار بأنانية وفجأة ساب كل واحد فيهم ديل التاني عشان يلحق ياكل العسل الأول لوحده، وكانت النتيجة أن التلات فئران وقعوا جوه الجرة وغرقوا بسبب طمعهم وأنانيتهم.

قدمنا هنا قصص اطفال قبل النوم مكتوبة بالعامية كوسيلة مثالية لغرس القيم والسلوكيات التي يجب أن يتعلمها الطفل، وكل ذلك بطريقة مرحة ومسلية.